Mir sind scho im 2017 mit em Iwan unterwägs gsie und darum hei mir euis scho riesig uf die wietere Usflüg im Oktober gfreut. Mir sind 4 Täg mit Iwan unterwägs gsie. Er het alles wieder super organisiert und es het bestens klappet. Der Usflug Reto & Petra spezial wo er äxtra uf üsi viele Wünsch zämegstellt het, hei mir sehr ggschetzt. Der Iwan het üs immer sehr pünktlich abgholt, so wie mir üs Schwiezer das gwönnt sind. Mir hei immer i sim komfortable Auto chönne platz nä, für Wasser und kliini Snaks het er ou immer gluegt. Bi jedem Usflug sind mir mit ihm ou no im ne Iheimischerestaurant ga ässe, so lehrt me ou no die richtigi indonesischi Kuchi kenne. Es Highlight ischs Zmittag uf eine vo de südliche Gillis gsie, dert het leckere Fisch, vieli indonesischi Bielage und früschi Kokosnuss gä. D Qualität vo de organisierte Usflüg isch am Iwan ou sehr wichtig. Er het üs e Velotour bim ne für ihn neue Abieter buechet, dür abgschiedeni Dörfli und Riesfelder, darum het er üs ou die ganzi Tour mitem Velo begleitet. Mir chöi der Iwan us dütschsprachige Reiseleiter sehr empfäle (englisch chönnti me ihn ou bueche). Mir sind würklich wieder sehr ds friede gsie und hei ou dieses Mal wieder viel neus ghört und gseh. Es isch sicher nid ds letscht mal gsie wo mir der Iwan wieder für Usflüg afrage. Viele Dank Iwan.